De riche famille Lyonnaise, il remporte un
concours de blasons en
1536. Dès 1538, il devient chef de file du
cénacle de lettrés lyonnais qui créent
de nouvelles exigences poétiques en essayant de
concilier philosophie hermétique et esprit
platonicien.
En 1544, la parution de Délie, objet
de plus haute vertu consacre sa
célébrité ; ce poème,
inspiré de la manière de Pétrarque, est
dédié à
Pernette du Guillet, sa jeune
élève dont il s'éprit d'un amour
impossible.
XVII Plus tost seront Rhosne et Saone desjoincts,Que d'avec toy mon coeur se desassemble ; Plus tost seront l'un et l'autre Mont joinctz Qu'avecques nous aulcun discord s'assemble : Plus tost verrons et toy, et moy ensemble Le Rhosne aller contremont lentement, Saone monter tresviolentement Que ce mien feu, tant soit peu, diminue, Ny que ma foy descroisse aulcunement. Car ferme amour sans eulx est plus, que nue. Délie |
XXVI Je voy en moy estr ce mont ForviereEn mainte part pincé de mes pinceaulx. A son pied court l'une et l'autre Riviere. Et jusqu'aux miens descendent deux ruisseaulx. Il est semé de marbre a maintz morceaulx, Moy de glaçons : luy aupres du soleil Se rend plus froid, & moy pres de ton oeil Je me congele : ou loing d'ardeur je fume. Seule une nuict fut son feu nompareil : Las tousjours j'ars, & point ne me consume. Délie |
CCLVII Tu es, Miroir, au cloud tousjours pendant,Pour son image en ton jour recevoir : Et mon coeur est aupres d'elle attendant, Qu'elle le veuille aumoins, appercevoir. Elle souvent - ô heureux ! - te vient veoir, Te descouvrant secrette, et digne chose, Où regarder ne le daigne, et si ose Ouir ses pleurs, ses plainctz, et leur sequelle. Mais toute dame en toy peult estre enclose, Où dedans luy aultre entrer n'y peult, qu'elle. Délie |
CCCXCI Non (comme on dit) par feu fatal fut arseCeste cité sur le Mont de Venus : Mais la Deesse y mit flambe esparse. Pource que maintz par elle estoient venuz A leur entente, & ingrats devenus Dont elle ardit avecques eulx leur Ville. Envers les siens ne sois donc incivile Pour n'irriter & le filz, & et la mere. Les Dieulx ayant ingratitude vile, Nous font sentir double vengeance amere. Délie |
